Esben Bråten

Ny regissør i 2023. Esben tek over som regissør etter Nils Golberg Mulvik, som hadde denne oppgåva i fjor.

Esben fekk teaterbasillen 1993, da han var med på avgangsrevyen på ungdomsskulen. Deretter vart det 3 år på dramalinja ved Fagerlia vgs.

Esben sitt yrkesliv starta på Hydro i Sunndal i 1998, der han i dag er handlingsansvarleg operatør i elektrolysen SU-4.

Ved sia av dette har han vore instruktør for avgangsrevyen på Sunndal VGS i 5-6 år, og heile 14 år som aktør i Lady Arbuthnott. Der med alt frå statistrolle, mannleg hovudrolle som Lars, og regiassistent. Han har også vore  skodespelar i fleire andre Jazzåteater-framføringar.  Blant anna Stjernestøv og Øra kafé. I spelet Fru Guri av Edøy var Espen 3 år med som Hallvard og han hadde Regi på Kreft for faen i 2012. 

Esben meiner han har gått ein god «skole» der han har lært teaterfaget på det han har vore med på.

Under Spelet i fjor var Esben regiassistent for Nils Golberg Mulvik. Han ser veldig fram til å ta Spelet om Mardøla vidare, saman  med eit fantastisk lag av frivillige og proffar. 

Hege Lauritzen

Hege er med i år, som i fjor, som koreograf.

Ho  har arbeidd som dansepedagog, yoga- og teaterlærar i 20 år og har nærast vore «huskoreograf» for jazzåteatret i mange år. Starta med Lady Arbuthnott og «Øra Kafe», og er vel kjent for å skape gull av gråstein.

Hege har arbeidd som utøvande  dansar og likar best av alle sjangrar  å drive med musikkteater. Da blomstrar kreativiteten mest.

Ellers meiner ho sjølv at ho er ei aktiv og rastlaus sjel som flyg på fjellet så fort det byr seg eit høve, eller tek ein tur langs vegen på rulleski. 

Til dagleg har ho sitt arbeid på filmskodespelarlinja ved Nordmøre folkehøgskule.

Marit Synnøve Berg

Var med i fjor, og skal i år ha same rolla som Bæste.

Her i distriktet er Marit Synnøve særleg kjent for sine 10 år som Lady Arbuthnott og 7 år som Mrs. Chalmers i det same spelet.  Skodespelaren frå Stavanger har gjort ei lang rekkje store roller på teater, i film og i TV-seriar. Ho kan slå naturleg over på kva dialekt som helst, noko publikum får høyre når Marit Synnøve tolkar rolla som Bæste i Spelet om Mardøla.

Torgeir Reiten

Torgeir er ein av dei nye for året og skal ha rolla som Peder. 

I årets utgåve av Spelet om Mardøla møter vi Sunndalingen Torgeir Reiten som bonden Peder. Peder driv slektsgarden i Eikesdal og er far til Tone og Kari.
Torgeir er «nesten» utdanna sjukepleiar, men sjukepleien blei droppa til fordel for utdanning ved Teaterhøgskolen. Han har vore aktiv som musikar i ulike band frå 13-årsalderen, først og fremst som songar. Den første rolla som profesjonell skodespelar var som Ulv Haldorsson i Trøndelag Teaters oppsetting av Kristin Lavransdatter i 2005. Fram til 2015 hadde Torgeir også ei rolle i Hotel Cæsar. Her i distriktet er han kanskje mest kjent frå roller i Frua frå Eleverhøi – Lady Arbuthnott mellom anna som William Arbuthnott, Ladyens ektemann.

Karianna Sommerro

Karianna skal ha same rolle som ho hadde i fjor, nemleg somTone.

Skodespelaren og songaren frå Trondheim med solide slektsrøter i Eresfjord har rik erfaring med sterke kvinneroller, som An-Magritt og Karen Lønseth. Karianna har særleg markert seg i ei rad kjente musikalar, som i  Bør Børson i 2022. Vi møter møter henne som Tone, odelsjente med bein i nasen, dotter av Peder.

Emma Torine Ulateig Austigard

Emma Torine var med i spelet også i fjor. Ho skal byrje i sjette klasse på Eresfjord barne- og ungdomsskule til hausten. Emma Torine ser ut til å like seg godt på scena og ho har ei viktig rolle i spelet som veslesøster Kari. Heime på garden i Eikesdal har Emma Torine utsikt rett opp i Sandgrovskardet der alt hendte for 53 år sia. 

Lars Melsæter Rydjord

Lars er ny i årets oppsetting og skal spele ei av hovudrollene som Sigmund Kvaløy.

Han var ferdig utdanna som skodespelar i 2006. Dei siste 10 åra har han arbeidd ved Teatret Vårt i Molde. Blant anna med ei viktig rolle i Danse med skjebnen, som nyleg var nominert til Heddaprisen for beste musikkteaterforestilling. 

Skodespelaren som opprinneleg er frå Kleive  trivst veldig godt i spel-sjangeren og gler seg til å ta fatt på ei ny historie, som i tillegg er basert på verkelege hendingar. 

I Spelet om Mardøla får han den viktige rolla som økofilosofen Sigmund Kvaløy.

Foto: Teatret Vårt

Jonas Hoem Wågbø

Jonas var også med i fjor og no skal han ha rolla som anleggsarbeidaren Harry. 

Jonas Hoem Wågbø er 22 år og kjem i frå Boggestranda. Då han var 7 år spela han i Eresfjord musikklag, men slutta der då han var 11 for å spele El-gitar. Jonas har drive med teater lenge. Han spela Danny i Nesset ungdomsskole  si oppsetting av Grease i Eidsvågen i 2017. Han var hippie i musikalen Hair på Molde VGS si musikklinje 2020 og Sigismund da Eidsvåg UL sette opp Sommer i Tyrol på Bergtun 2022. Han hadde eigentleg ikkje planlagt å bli med på Mardølaspelet i år på grunn av skolestart, men etter ein hyggeleg telefonsamtale med Bjørn Ølander var det vanskelig for han å sie nei.

Foto: Ane Skarvøy

Rolf Mørch

Rolf skal i år skal ha rolla som Tore. Tore er frå Rauma og blir dregen mellom lojaliteten til far Kjell og kjærleiken til Tone. 

Rolf Mørch kjem opprinneleg frå Eide på Nordmøre og jobbar som skodespelar, regissør og teaterlærar. Han er også spøkelsesguide i Oslo. Rolf har teke del i oppsetjingar som Spelemann på Taket, Annie og Folk og Røvere i Kardemomme By. Han er dessutan musikar i duoen Ash & Thorns. Hausten 2022 spela han den smågale, elskelege oppfinnaren Doktor Proktor i Molde kulturskole si oppsetting av musikalen. I sommar er han tilbake i Spelet om Mardøla der han i fjor fylte rolla som den gitarspelande demonstranten Jostein. I år er det Rolf som skal gestalte  Isfjordingen Tore, kjærasten til Tone. Rolf har gledd seg til å komme tilbake til Eikesdalen for å få fortelje denne sterke og viktige historia igjen. 

Jo Bjørner Haugom

Jo Bjørner er også ny i Spelet om Mardøla og skal ha rolla som maskinentreprenøren Kjell frå Rauma.

Jo Bjørner Haugom kjem frå Røros og har vore aktiv i Bergstaden Teaterlag sidan 1988.

Han har medvirka i eit utal revyar og teateroppsetjingar fram til dags dato. Mest som skodesplelar, men og som regissør. Har gått på Romerike Folkehøgskole og vore tilsett ved Nasjonalteateret.  Frå 1994-2022 har han, kvar sommar spelt forskjellige hovudroller i spelet  Elden Røros. I tillegg til alt dette er han vokalist og tekstforfattar i bluegrassbandet Copper City Ramblers. Jo Bjørner vart våren 2022 tilsett i Turneteatret «Bør Børson jr.» Han har før jul i de siste åra spelt «Nissen som mista trua på seg selv», saman med Karianna Sommerro. Sist vinter spela han Kullfogden i An-Magritt.  I Spelet om Mardøla vil møte han som den driftige maskinentreprenøren Kjell og far til Tore.

Aksel Langum Øien

Aksel er ein av dei nye og skal spele blindernstudenten Jostein, aktivist og demonstrant.

Aksel er scenekunstnar og musikar fra Berger i Svelvik med utdanning frå Musikkteaterhøgskolen i Oslo og NTNU i Trondheim. Aksel har vore engasjert både på og bak scena i over ti år og skal tre inn som produsent ved Rosendal Teater i Trondheim til hausten. Han har alltid hatt sterke band til Surnadal og til Sunndalsøra, men blei ikkje kjent med Eikesdalen før i fjor då han såg Mardølaspelet. Det gjorde stort inntrykk og han er glad over å få vere med i årets oppsetting som Blindern-studenten Jostein. 

Ranje Hoem

I fjor var det Pia Lauritzen som hadde rolla som fosseprinsessa. I år er det Ranje Hoem. Fosseprinsessa en ein sagnfigur, inspirert av det nedre fallet  i Mardalsfossen, som med hjelp av litt fantasi ser ut som ei prinsesse med langt, kvitt slør som strekkjer hendene over hodet.  23-åringen fra Surnadal har en bachelor i dans fra den prestisjefylte skolen «The Liverpool Institute For Performing Arts (LIPA)» - også kjent som Paul McCartney-skolen. Hun ble uteksaminert våren 2022, og har brukt det siste året på å studere praktisk-pedagogisk utdanning (PPU). I tillegg har hun vikariert som danselærer på Kulturskolen i Surnadal og Rindal.

Lars Ramsøy-Halle og Svein Sæter

Opphavsmennene

«Spelet om Mardøla» er den andre heilaftans musikalen Lars Ramsøy-Halle (musikk) og Svein Sæter (tekst) skriv saman i løpet av fire år. Sist var det «Stjernestøv», inspirert av menn og  kvinner frå Nesset, Sunndal og Surnadal i dei store gullrusha til Klondike og Nome. På sett og vis handlar det om gull denne gongen også; vasskrafta vart omtala som Norges kvite gull. Derfor var det også sterke krefter som pressa på for utbygging.

Begge opphavsmennene har ei lang merittliste. Lars er kjent som komponisten bak «Lady Arbuthnott», men har òg skrive mykje annan musikk for teater. Svein er forfattar av mange bøker, særleg innan historie. I tillegg har han lenge skrive songtekster og teaterstykke. Begge voks opp på Sunndalsøra, industriplassen som vart skapt av Aurautbygginga. Der bur Lars enno, mens Svein held til på småbruket i Stangvika

André Gussiås og Øystein Sandbukt

Mardøla-orkesteret: André Gussiås og Øystein Sandbukt møttest på musikklinja på Atlanten vidaregåande skole. Godt og vel 30 år seinare samarbeider dei om den musikalske leiinga under «Spelet om Mardøla». I mellomtida har begge markert seg sterkt i musikklivet; Øystein med gitaren og diverse strengeinstrument, André på piano og alt med tangentar.

I arbeidet med stykket har André vore repetitør på øvingane, han har laga fleirstemmige korarrangement og generelt hatt ansvaret for det som skal syngast. Øystein har jobba med det musikalske uttrykket i orkesteret, og i tillegg komponert musikk til eit par scener med dans.

I orkesteret på Mardalsbøen ser vi frå ventsre: André Gussiås, Einar Kjensmo Fuglerud, Britt Elise Skram, Ivar Sandbukt, Øystein Sandbukt og Jo Inge Nes. 

Carsten Andersen

Som i fjor stiller Carsten opp som scenograf. Han er frå Stangvika og har vore tilsett ved ei rekkje ulike teater, som Teatret Vårt, Riksteatret og Hålogaland teater. Tilbake i heimbygda har han vorte ein viktig fagmann for ei rekkje lokale arrangørar, ikkje minst JazzåTeatret. Carsten var med på å diskutere Spelet om Mardøla heilt frå dei første planane begynte å ta form.

Agnethe Tellefsen

Agnethe var med i fjor, og er lysdesigneren for oppsettinga også i år. Har allsidig bakgrunn frå teater og scene, både når det gjeld arbeidsområde og arbeidsstad. Agnethe er også utdanna scenograf. Mens ho budde i Madrid designa ho lys for mange kjente spanske artistar og deltok på turnear verda rundt. I 2015 flytta ho heim til Norge, og har blant anna hatt ei rekkje oppdrag for Nationaltheatret.

Oppdatert 29/6-23